ටොයියන් යනු පප්ප ගමේ පැරණිතම ජන වර්ගයයි. ටොයියන්ගේ දෙයියා එලිසබෙත් ආච්චි වන අතර ඔවුන්ගේ ලොක්කා හාමුය. අනේ ඉතින් ආච්චි මළාය. ආච්චිගේ මළ ගෙදර ගිය හාමුට ආච්චි වැහින. ඊට පසු හාමු ආච්චිමෙන් රතු පෙට්ටියක් පාවිච්චි කිරීම, මුහුදට වෙඩි තැබීම, පෙරහැර බලන්න නුවර යෑම වැනි දේ සිදුකරයි. හාමුගේ වටේට සමනලයින්ගෙන් සැදුම්ලත් inner circle එකක් සිටී. ඔවුන් දුකේදී හාමුව හැර නොයන අතර සැපේදී හොරකං කරයි. ඔවුන් හොරකං කරන විට හාමු අහක බලාගෙන සිටී. ටොයියන් තමන් ලිබරල් බව විශ්වාස කරන නමුත් එහි තේරුමවත් නොදනී. ටොයියන්ගේ අරමුණ වලව් සංස්කෘතිය ආරක්ෂා කර ගනිමින් පුළුවන් තරම් හොරකං කිරීමය. ටොයියන් ඉතාම ස්මාට් වන අතර හොරකං සිදු කරන්නේ ගමේ නීතියට අනුවය. හොරකං කිරීමට අපහසු අවස්ථාවල අලුත් නීතියක් සාදා එයට අනුව හොරකං කරති.
ටොයියන්ට විරුද්ධව බිහිවූ ජන වර්ගය බයියන්ය. බයියන්ගේ ආරම්භක දෙයියා "මාර්ක්" ය. මාර්ක් කියන්නේ මාර්ක් සකර්බර්ග් නොව කාල් මාර්කස් ය. ඔවුන්ගේ ලොක්කා ගමේ බයියාය. පසුව ඔවුන් මාර්ක් දෙයියා එලවා දමා, අලුත් දෙයියා ලෙස ගමේ බයියා පත්කර ගත්තේය. ගමේ බයියා මහ හොර පප්පා ලෙසද හඳුන්වයි. ඔහු වටේට හොර පවුලක් සිටී. ටොයියන් මහ හොර පප්පා රජෙකු යැයි සිතා සිටි. මහ හොර පාප්ප හොරකං කරන්නේ මහ දවාලේය. ඔහුට නීති අදාළ නැත.
තෙවන ජන වර්ගය ජෙප්පන් වන අත්ර ඔවුන් 3%කි. ඔවුන් විසින් බයියන් එළවා දැමූ මාර්ක් ව දෙයියා කර ගත්තේය. නමුත් ඉතා මෑතකදී තමන් ගේ දෙයියා කාල් මාර්කස් නොව මාර්ක් සකර්බර්ග් බව සිතයි. දෙන්නාම මාර්ක් නිසා ප්රශ්නයක් නැත. ජෙප්පන්ගේ ලොක්කා ටිංටිං අංකල් ය. අනේ ඉතින් ටිංටිං අංකල්ට දවල්ට එළියට බැසිය නොහැක. එළියට බැස්සොත් පප්පලා අයිඩන්ටිටි කාඩ් ඉල්ලා පස්සෙන් එයි. එනිසා ජෙප්පන් තමන්ගේ ලොක්කා ලෙස නමට විතරක් අන්රයියාව පත් කර ගත්තේය. අන්රයියා ඉතා ප්රියමනාප පුද්ගලයෙක් වන අතර හැමදාම දිය නා අලුත් ඇඳුම් ඇඳ ඉතා පිරිසිදුව සිටී. ජෙප්පන් උපාසක බළලුන් වන අතර මීයන් අල්ලන්නේ රෑටය.
අදාළ උෂ්ණත්වය සහ පීඩනය යටතේ ටොයියන් බයියන් බවටත්, බයියන් ටොයියන් බවටත් ඉතා පහසුවෙන් පරිවර්තනය කලහැක. ටොයියන් බවට පරිවර්තනය වූවිට හැසිරීමේ නොයෙක් වෙනස්කම් සිදුවේ. ඔවුන් කලිසම් කෝට් ඇඳ ටයි දමයි. globalization, free market, democracy, liberalism වැනි වචන ඒවායේ තේරුම නොදැන කතා කරයි. ඔවුන් ඕනෑම ජීවියෙකු සමග නොබියව බිස්නස් කරයි. කිසිම භෞතික වස්තුවකට ඇලි ගැලී නොසිටින අතර විකිනීමට කිසිසේත්ම මැලි නොවේ.
බයියන් බවට පරිවර්තනය වූවිටද හැසිරීමේ නොයෙක් වෙනස්කම් සිදුවේ. ඔවුන් සරම් ඇඳ සාටක දමයි. නොයෙක් නොයෙක් දේ ගලවා ගැනීමට පෙළඹෙන අතර විශේෂයෙන්ම ජාතිය, ආගම වැනි දේ ගලවා ගැනීමට ලොල් බවක් දක්වයි. ඔවුන් හැමවිටම බියෙන් පසුවේ. විශේෂයෙන්ම අධිරාජ්යවාදය, බටහිර, ඇමරිකාව, කොටි නැගිටීම වැනි දේට බියවෙති. පන්සල් යෑම, පුජා පැවැත්වීම වැනි දේද සිදුකරයි.
ටොයියන් සහ බයියන් ජෙප්පන් බවට පරිවර්තනය කිරීම ඉතා අපහසුය. නමුත් ඉතා අධික පීඩනයක් යටතේ IMF වැනි උත්ප්රේරකයක් භාවිතා කිරීමෙන් ටොයියන් සහ බයියන් හෝල්සේල් එකට ජෙප්පන් බවට පරිවර්තනය කලහැකිබව මෑතකදී සොයා ගත්තේය. ජෙප්පන් වූවිටද හැසිරීමේ නොයෙක් වෙනස්කම් සිදුවේ. ඔවුන් රතුපාට ඇඳුම් ඇඳ රතු තොප්පි දායි. අලුත් ඇඳුම් මිලදී නොගන්නා අතර ඇඳුම් හුවමාරු කරගනී. දවස පුරාම බුකියේ සැරිසරමින් "නිවන් සැප ලැබේවා" යි කමෙන්ට් කර හිනාවෙන මුණක් දායි. ඔවුන්ගෙන් කුමන ප්රශ්නයක් ඇහුවද "මේ පාර අපි මාළු මාමට" යයි පවසයි. ඕනෑම අංකල් කෙනෙකුට කැත නැතිව සහෝදරයා යැයි අමතයි. ඔවුන් මසකට වරක් දත් මැද ස්නානය කරයි. කිසිදු අවස්ථාවක වැඩ නොකර, වැඩ නොකරන වලි සිදු කරයි. බයියන්ටත් වඩා අධිරාජ්යවාදයට, ඇමරිකාවට සහ මහා භාරතයට බියවෙයි. නමුත් ඔවුන් චීනයට ඉතා කැමති අතර චීනුන් මොනවා කරත් කිසිවක් නොකියයි. ජෙප්පන් පන්සල් නොයයි. පුළුවන් සෑම විටම මහා මාර්ගයේ කැ කෝ ගසමින් සැරිසරන අතර, ඕනෑම පුද්ගලයෙකු සමග ඇනකොටා ගැනීමටත්, රාත්රී කාලයේදී ගෙවල් ගිනි තැබීමටත් නැඹුරුවක් දක්වයි. අදාළ අධික පීඩන තත්වය පහව ගියපසු ස්වාභාවිකවම ටොයියෙක් හෝ බයියෙක් බවට නැවත පරිවර්තනයවේ.
පප්ප ගමේ ටොයියන්, බයියන් සහ ජෙප්පන් නොවන ජීවින් දුසිමක් විතර සිටී. ඔවුන් බළල් අත්, පිල්ලි, අවජාතක පුත්තු, ප්ලාන්ට්, යන නම් වලින් හඳුන්වයි. ඔවුන් සාපේක්ෂව බුද්ධිමත් වන අතර, අම්බානකට කෙලවී ගියවිට මොවුන් පැමිණ වැඩේ ගොඩ දායි. ඊට පසු ඔවුන්ව එලවා දමයි. මොවුන් නිහඬ පුද්ගලයන් වන අතර වැරදිලාවත් කතා කරොත් අම්බානට නෙලයි.
No comments:
Post a Comment