අනේ ඉතින් හාමුට චන්දය දිනන්න නන් උතුරේ චන්ද ඕනය. උතුරෙ අය චන්දෙ දෙන්නේ මහා භාරතයෙන් කියන එකාටය. ඉතින් හාමු මහා භාරතයෙන් උදව් ඉල්ලුවේය. ඔයා 13 දුන්නොත් අපි උදව් කරනවා කියල මහා භාරතය කිව්වේය. අනේ ඉතින් 13 දුන්නොත් දකුණේ චන්ද නැත. නුදුන්නොත් උතුරේ චන්ද නැත. ඉතින් හාමු දහ අතේ කල්පනාකාර මාර ප්ලැනක් ගැහුවේය. හාමු 13 ගැන කතා කරන්න සමිතියක් කැදෙව්වේය. අන්රයියා ඕවාට යන්නේ නැත. මෝඩ පුතානෝ ඇවිත් හාමුට විරුද්ධ වී චන්දයක් ඉල්ලුවේය. හොර පූට්ටුව විරුද්ධ උනේය. උතුරේ අයත් මොකද්ද බයිලයක් කියා විරුද්ධ වී චන්දයක් ඉල්ලුවේය. අනේ ඉතින් බලනකොට හාමු හැර අනිත් හැමෝම 13ට විරුද්ධය. ඉතින් ඔයාල හැමෝම විරුද්ධ නං මං කොහොමද 13 දෙන්නෙ, මම තනි මිනිහනේ කියල හාමු කිව්වේය. ඉතින් හැමෝම ගෙදර යන ගමන්, අද හාමු අම්බානට කින්ඩි උනා කියල හිකි හිකි ගෑවේය. හාමුත් වලව්වට ගිහින් තනියම හොඳටම හිකි හිකි ගෑවේය.
අනේ ඉතින් හාමු මහා භාරතයට කෝල් කරල, මම සමිතියක් තියල ඇහුව, පප්ප ගමේ හැමෝම 13ට විරුද්ධයි, මම විතරයි කැමති කියල කිව්වේය. මහා භාරතයක් වැඩේ හොයා බැලුවේය. කතාව ඇත්තය. 13ට කැමති හාමු විතරය. 13ට කැමති හාමු විතරයි නිසා හාමුව ලොකු පප්ප කිරීම හැර විකල්පයක් නෑ කියා හිතුවේය. එහෙනං හාමු ඔයා බයවෙන්න එපා. ඔයා ලබන අවුරුද්දෙ චන්දයක් තියන්න, අපි උතුරෙ චන්ද අරන් දෙන්නන්, දකුණෙනුත් සපෝට් එකක් දෙන්නන් කියල කිව්වේය.
අනේ ඉතින් ඔන්න ඔය විදියට හාමු 13ත් නොදී දකුණත් තරහ කරගන්නෙ නැතුව, උතුරේ චන්ද ගන්න ප්ලැන් එක ගැහුවේය.
