අන්තර් ජාතික විශ්ව ළමා සමිතිය

අන්තර් ජාතික විශ්ව ළමා සමිතිය යනු අධ්‍යාපනය ලබාදීම වලක්වීම සඳහා පිහිටුවාගත් සමිතියයි. සමිතියේ ලොක්කා උපකුලපති පප්පාට කුනුහරුපහෙන් බැනවැදුණ උපාසක පප්පාය. 

අනේ ඉතින් ගෝල් දේශේ ගොඩක් ළමයින්ට යන්න ඉස්කෝල නෑ. ගම බංකොලොත් වෙච්ච නිසා ඉස්කෝල දාන්න තියා කන්නවත් කහවනු නැනේ. ඒත් ඉතින් රෝමන් කාරයෝ ඇවිල්ල පප්ප ගමේ ඉස්කෝල දානවට ළමා සමිතිය විරුද්ධය. ඒකට හේතු දෙකක් ඇත. පළවෙනි එක අධ්‍යාපනයේ කොලිටිය බාල වන බවය. නමුත් ඇත්තටම කොලිටිය බාල වී ඇත්තේ පප්ප ගමේය. කොලිටිය සහ නියාමනය හොඳ රෝමයේය. ඉතින් කොලිටිය අඩු ඉස්කෝලෙට යන ළමා පප්පන් කොලිටිය වැඩි ඉස්කෝලයක් දැම්මාම කොලිටිය අඩුවන බව කියයි. එම තර්කය තේරුම් ගැනීමට PhD දෙකක් අවශ්‍යය. කොලිටිය අවුල් නන් කොලිටියට නීති ගෙන ආ යුතුය. ඉස්කෝල තහනම් කිරීම උත්තරය නොවේ. දෙවෙනි එක කහවනු වලට අධ්‍යාපනය විකිනෙන බවය. අනේ ඉතින් පප්ප ගමේ ඉස්කෝල වල උගන්නන්නේ නිකන්ය. නිකන් කිව්වට නිකම්ම නොවේ. ඒවාටත් කවුරුහරි ගෙවයි. ඒවාට ගෙවන්නෙත් පප්පලාගේම බදුය. ඒ කියන්නේ ඉස්කෝලේ යන සහ නොයන සියලුම පප්පලත්, ඉස්කෝලේ යන පප්පලා වෙනුවෙන් බදු ගෙවයි. එච්චර ගෙව්වත් යන්න ඉස්කෝල නැත. ඇත්තටම කහවනු ගෙවිය යුත්තේ ඉස්කෝලෙ යන පප්පන් මිස නොයන පප්පන් නොවේ. කහවනු නැත්තන් නිකං ඉගැන්විය යුතුය. හැබැයි ඒ වියදම රස්සාවක් කරනකොට අයකර ගත යුතුය. එහෙම ඉගෙනගෙනත් රස්සාවක් කර ණය ගෙවිය නොහැකිනම් වැරැද්ද ඇත්තේ උගන්නන දේවල් වලය. 

අනේ ඉතින් රෝමන් ඉස්කෝල දාන්න ළමා සමිතිය විරුද්ධ නිසා කහවනු තියන පප්පන් රොමේ ඉස්කෝලවලට යයි. එසේ ගිය සමහර පප්පන් ආපහු ගෝල් දේශයට සේවය කිරීමට එයි. ළමා සමිතිය ඒකටත් විරුද්ධය. එතකොට ආපහු කොලිටිය නැතිවෙන බව කියයි. අනේ ඉතින් රෝමේ කොලිටි නැත්තන් එහේ ඉන්න රෝමන් කාරයෝ මෙලහට මැරිච්ච තැන ගසුත් පැලවී ඇත. ඇත්තටම මැරෙන්නේ රෝමන් කාරයන් නොව ගෝල් දේශයේ පප්පන්ය. 

අනේ ඉතින් කොහොම කොහොම හරි ගෝල් දේශේ ඉගෙනගෙන රස්සාවක් කරත් හරියකට පඩියක් හම්බුවෙන්නේ නැත. හම්බුවෙන ගානට වැඩි ගානක් බදු වලට කපා දමයි. ඉතින් සමහර පප්පන් ඉවසන්න බැරුව රොමේ රස්සාවට යයි. ළමා සමිතිය ඒකටත් විරුද්ධය. අපේ බදු සල්ලි වලින් ඉගෙනගෙන රෝමෙට යන බව කියයි. ඉතින් එහෙනං බදු ගහන්නේ නැතුව අධ්‍යාපනයට කහවණු අය කරොත් හරිනෙ. එතකොට රෝමෙට ගියත් ඒ ණය ගෙවල තමයි යන්න ඕන. ඉතින් ඉගෙනගන්න කහවණු අයකරනවටද පප්පලා විරුද්ධය. සරලව කිව්වොත් අධ්‍යාපනය ලැබීමට අදාළ සැම දෙයකටම විරුද්ධය. 

මඩ කැම්පේන්

 අනේ ඉතින් එකවර වැඩ නොකරන සමිතිය සහ ගලවාගැනීමේ සමිතියට නෙලීම අපහසු බව හාමු තේරුම් ගත්තේය. ඒ නිසා ගලවාගැනීමේ සමිතියට නෙලීමේ වැඩය අවුට්සෝස් කිරීමට තීරණය කළේය. ඒ අනුව හාමු විසින් කන්ට්‍රැක්ට් එක කයියනායක සහෝදරහොරුන්ට බාර දුන්නේය. කයියනායක සහෝදරහොරු විසින් මාළු මාමාගේ "නිවන්සැප ලැබෙන සමිතිය" ඇක්ටිවේට් කළේය. අනේ ඉතින් කීබෝඩ් විරුවන් මේ දවස් වල පූට්ටු බයියන්ට හතර අතට නෙලාගෙන යයි. 

අනේ ඉතින් නිවන්සැප ලැබෙන සමිතියේ කයියන්ගේ මොලේ වර්ධනය අවම නිසා ඉලක්කයට නෙලීමට බැරිය. එනිසා නෙලන ඒවායින් සමහරක් පැත්තක ඉන්න අයටද වැදේ. සමහර ඒවා කැරකී ඇවිත් ආපහු කයියනායක දෙවියන්ටද වැදේ. කෙසේ වුවද මේ සටන් අතර හාමුට තමන්ගේ වැඩ ටික නිදහසේ කරගත හැක. අපිටත් සටනක් බලා සතුටු විය හැක. 

වැඩ නොකරන සමිතිය සහ මහා බංකුව

 අනේ ඉතින් පප්ප ගමේ පප්පන් වැඩ කරන්නේ "වැඩ නොකරන සමිතියේය". වැඩ කරනවා කිව්වට වැඩ කරන්නේ නැත. වැඩ කරත් කොකරත් පඩි ගෙවන, අස් නොකරන නිසා වැඩ කිරීමට හේතුවක්ද නැත. වැඩ නොකරන සමිතියේ ලොක්කා පත් කරන්නේ මහා පිස්සන් කොටුවෙන්ය. ඉතින් එයා වැඩ දන්නෙත් නැත. වැඩ නොකරන නිසා පප්ප ගමේ නිෂ්පාදනයක් නැත. නිෂ්පාදනයක් නැති නිසා ආදායමක් නැත. අදායමක් නැත්තන් පඩිත් නැත. පඩි නැතුව පප්පලාට රොටි කන්නට බැරිය. ඉතින් රොටි නැති උනාම පප්පලට බඩගිනිවී වැඩ නොකරන වලි දමයි. අනේ ඉතින් ආදායමක් නැතුව පඩි ගෙවන්න බැනේ. ඒ නිසා ලොකු පප්පා ණය අරගෙන බාගයක් හොරා කා ඉතිරි බාගෙන් පඩි ගෙවයි. අනේ ඉතින් ණය ගෙවන්න බැරි නිසා පොලු තිබ්බම ආපහු කවුරුත් ණය දෙන්නේ නැනෙ. එතකොට කබරාල කහවනු අච්චු ගහල පඩි ගෙවනව. කහවනු අච්චු ගැහුවත් රොටි අච්චු ගහන්න බැනේ. අනේ ඉතින් පප්පල කන්නෙ රොටිනෙ. කහවනු නෙවෙයිනෙ. ඉතින් රොටියක් ගන්න ගෙවන්න ඕන කහවනු ගාන වැඩිවෙනවා. ඒ කියන්නේ කහවනු වල වටිනාකම අඩු වෙනව. ඕකට කියන්නෙ උද්ධමනය කියල. 

අනේ ඉතින් උද්ධමනය වැඩි උනාම කහවනු තිබ්බට ඒවායින් මුකුත් ගන්න බැරි වෙනව. උද්ධමනය අඩු කරන්න නං ගිනි පොලිය වැඩි කරන්න ඕන. ගිනි පොලිය වැඩි උනාම ණයට කහවණු ගන්න බැරි වෙනව. අනේ ඉතින් කහවනු නැති උනාම බිස්නස් කරන්න බැරි වෙනව. එතකොට පප්පල බිස්නස් නොකර සල්ලි පොලී මුදලාලිට 20% පොලියට දීල පොලිය ගන්නව. ඒක බිස්නස් කරනවට වඩා ලාබයි. ඉතින් පප්පලගේ අතේ සල්ලි නැති නිසා රොටි නොකා ඉන්නවා. එතකොට නිෂ්පාදනය අඩු වෙනවා. ආදායම අඩු වෙනව. ආර්ථිකය හැකිලෙනව. එතකොට වැඩ නොකරන සමිතියට පඩි ගෙවන්න බැරි වෙනව. 

අනේ ඉතින් වැඩ නොකරන සමිතියට පඩි ගෙවන්න මහා බංකුව පොලී මුදලාලිගෙන් 30%ක ගිනි පොලියට ණය ගන්නව. ඉතින් පොලී මුදලාලි ළඟ තියෙන්නෙ පප්පලගෙන් 20%ක පොලියට ගත්ත කහවනුනේ. ඉතින් ඒ කහවනු ටිකම තමයි පොලී මුදලාලි ආපහු මහා බංකුවට දෙන්නෙ. ඉතින් ඒ ණයෙන්ම වැඩ නොකරන සමිතියට පඩි ගෙවනව. අන්තිමට පප්පලාට 20%ක පොලියත් එක්ක කහවනු 100ක් තැන්පත් කලාම 120ක් හම්බුවෙනවා. හැබැයි උද්ධමනය නිසා ඒකෙ වටිනාකම 50%අඩු වෙලා ඇත්ත වටිනාකම කහවනු 60යි. එතකොට ඉතිරි කහවනු 40ට මොකද උනේ. ඒවායින් තමයි වැඩ නොකරන සමිතියෙ ලොක්ක්කන්ට, පොලී මුදලාලිට පඩි ගෙවල, මහා පිස්සන්කොටුවේ පිස්සොයි ලොකු පප්පයි හොරා කන්නේ. අනේ ඉතින් පප්පලාගේම කහවණු බංකුවට අරගෙන, ඒකෙන් රෙජීමයේ ඔක්කොම අම්බානට කාල, ඉතිරි ටිකෙන් පප්පලටම පඩි ගෙවනව. ඒ පඩියේ වටිනාකම උද්ධමනයට අහුවෙලා අඩු වෙනව. ඒ කියන්නේ පප්පල බඩගින්නේ ඉඳගෙන රෙජිමයට කහවනු ගෙවනව. 

මහා බංකුව ණය ගන්නෙ වැඩ නොකරන සමිතියට පඩි ගෙවන්නනේ. ඉතින් වැඩ නොකරන සමිතිය විකිනුවනන් පඩි ගෙවන්න ඕනත් නෑ, ණය ගන්න ඕනත් නෑ, වැඩ නොකරන සමිතිය ඩොලර් දීල ගන්න සීසර් අයිය පප්පලට අම්බානට නෙලල හරි වැඩ ගනීවි. එතකොට නිෂ්පාදනය වැඩි වෙලා, පප්ප ගමේ ආදායමත් වැඩි වේවි. අනේ ඉතින් කයියනායක දෙවියෝ කියන්නේ වැඩ නොකරන සමිතිය සම්පතක් නිසා ආරක්ෂා කරන්න ඕන කියල. හරක් පප්පලටත් මොලයක් නැති නිසා ඒක විශ්වාස කරල වැඩ නොකරන සමිතිය විකුණනවට කැමති නැ. ඉතින් හාමුත් කල්පනා කරනවා මුන්ටත් මේකෙන් නිදහස් වෙන්න ඕන නැත්තන් මම නිකන් ඉල්ලන් කන්නේ මොකටද, මුන්ගෙන්ම කහවනු අරන් පඩි ගෙවල මාත් කීයක් හරි හොරා කනව කියල. අනේ ඉතින් හරක් පප්පල රොටි නොකා වැඩ නොකරන සමිතියට  පඩි ගෙවන්නයි හොරා කන්නයි කහවණු පූජා කරනවා. ඊට පස්සේ වැඩ නොකරන සමිතිය බේරගන්න ඕන කියකිය පාර දිගේ කෑ කෝ ගානවා. අනේ ඉතින් මේ වගේ හරක් පප්පලට මොනවටද රොටි දෙන්නෙ. තණකොළ ටිකයි පුන්නක්කු ටිකයි දීල හිටියාම හොඳටම ඇති.