රෙජීමය යනු මහමොලකරුවන් තුන්දෙනා, සමිති පහ සහ ඔවුන්නොවුන් අතර සහසම්බන්ධය වේ. ගෝල් දේශය සහ රෝමය අතර නිදහස් වෙළඳාමට බාධකය ලෙසද රෙජීමය පෙනීසිටී. ගෝල් දේශයේ සංවර්ධනයට ලොකුම බාධාව වී ඇත්තේද රෙජිමයයි. මේ පිළිබඳව ගැඹුරින් අධ්යනය කරමු.
1. වැඩ නොකරන සමිතිය
වැඩ නොකර සමිතිය යනු ගම් සභාවේ කඩ සහ ඒවායේ වැඩ කරන පප්පන්ගේ එකතුවයි. මහා මොලකරු විසින් වැඩ නොකරන සමිතියේ රැකියාවක් ලබාදීම මගින් හරක් පප්පෙක් වහල් පප්පෙක් බවට පරිවර්තනය කල හැක. වහල් පප්පන් යනු මහා මොලකරුගේ කැම්පේන් එකේ බර උසුලන ශුරයෙකි. මේ සඳහා සමිතිය මගින් වහල් පප්පන්ට පඩි සහ දීමනා දෙයි. වැඩ ලබා නොදෙයි. දීමට වැඩද නොමැති අතර, වැරදිලාවත් වැඩක් තිබ්බත් වැඩනොකරන වහල් පප්පන් ඒවා කරන්නේවත් කරන්න දන්නේවත් නැත. මහා මොලකරු විසින් රැකියා සහ වරප්රසාද ලබා නුදුනහොත් වැඩ නොකරන වලි සිදුකිරීම, කැම්පේන් නොකිරීම, වෙනත් මහා මොලකරුවෙකුට කඩේ යාම වැනි දේ සිදුකරයි. ඒ නිසා බලය ලබා ගැනීමට නම් දිගටම රස්සාවල්, පඩි වැඩිවීම් වැනිදේ කල යුතුය. ඒ වෙනුවෙන් වැඩ නොකරන සමිතිය දිගටම කඩේ යයි.
2. ගලවා ගැනීමේ සමිතිය
ඉතාම භයානක සහ වැඩිම බලයක් ඇති සමිතිය ගලවා ගැනීමේ සමිතියයි. මොවුන්ට එක රැයින් ඇනකොටා ගැනීමේ වලි සහ යුද්ධ ඇති කිරීමට හැකිය. ඒ විතරක් නොවේ. මොවුන්ට ඕනෑම පුද්ගලයෙක්, කණ්ඩායමක්, සමාජයක්, ජාතියක් හෝ ආගමක් දේශද්රෝහීන් බවට පත්කර අපාගත කිරීම, දඬුකදේ ගැසීම, උල තැබීම හෝ ජිවත් විය නොහැකි තත්වයට පත් කිරීම කල හැක. මොවුන් විවිධ ආගම් සහ ජාතින් වශයෙන් නොයෙක් යුනිෆෝම් ඇඳ පෙනී සිටියද එකම අරමුණකට එකට ඩිල් දමා ක්රියා කරන, කණ්ඩායමක් ලෙස දඩයමේ යන සමිතියකි. මොවුන් ස්වාභාවිකවම පරපෝෂිතයන් වේ. කිසිදා රැකියාවක් නොකර අනුන්ගෙන්ම කා, කන්න දෙන එවුන්ටම කෙළියි. වැරදිලාවත් අපායක් තිබුනේ නම් එහි ෆස්ට් ක්ලාස් ටිකට් එකක් ලැබිය යුතු පුද්ගලයන්ය. මොවුන්ගේ කාර්ය වන්නේ බොරු දේශනා කිරීම, වොයිස් කට් දීම, මහා මොලකරුට කඩේ යෑම සහ කන්න දෙන එවුන්ට කෙලවිමය. මොවුන් මහා මොලකරුගේ ඉමහත් ගුණය දෙසා බා හරක් පප්පන්ගේ මොළ හෝදයි. තවද ආගම, ජාතිය, කිරි හරකුන්, මිරිදිය මාළු සහ රිලවුන් වැනි දේ ගලවාගැනීමේ කැම්පේන් කරයි. ඒ වෙනුවෙන් මහා මොලකරු විසින් නොමිලේ විදුලිය, දේශන ශාලා, කහවනු වැනි පඬුරු ලබාදේ. තවද දේශනා වලට අනුග්රහය යාන වාහන, ඉඩම් වැනි දේ නොමිලේ හෝ කුනුකොල්ලෙට ලබා දේ. පඬුරු අඩු උනොත් වෙනත් මහා මොළ කරුවෙකුට කැම්පේන් කරයි. ඒ නිසා පඬුරු දීම සහ කැම්පේන් කිරීම දිගටම සිදුවේ.
3. පාතාල සමිතිය
මහා මොලකරුගේ කැම්පේන් සඳහා අත දිගහැර වියදම් කරන්නේ පාතාල සමිතියයි. ඒ වෙනුවෙන් ඔවුන්ට සර්වලෝක පත්තර වැනි ගම විනාශ කරන දේවල් ගෙන ඒමට නීතියේ රැකවරණය ලබා දේ. තවද කුලියට අපායට යැවීම, කප්පම් ගැනීම, තරහකාරයන් දඬු කඳේ ගැසීම වැනි දේවල් කලපසු ඒවා යට ගැසීමට උදවු කරයි. එසේ නොකලොත් වෙනත් මහා මොලකරුවෙකුට සපෝට් කරයි. ඒ නිසා මේ වැඩේ දිගටම සිදුවේ.
4. TV/කීබෝඩ් විරු සමිතිය
මහා මොලකරුගේ කැම්පේන් නිර්මාණය කිරීම, ප්රචාරය කිරීම, තරහකාරයන්ට මඩ ගැසීම වැනි දේ සිදු කරන්නේ මොවුන්ය. බොහෝවිට ගම් සභා ඇති කිරීම සහ නැති කිරීම සිදු කරන්නේද මොවුන්ය. මොවුන් අති දක්ෂ ඉතා ඉහල බුද්ධි මට්ටමක් ඇති පුද්ගලයන්ය. බොහෝවිට ගලවා ගැනීමේ සමිතිය සමග සහයෝගයෙන් කටයුතු කරයි. මොවුන්ට එක රැයින් උපාසකයෙක් හොරෙක් කිරීමටද, ඕනෑම පල් හොරෙක් උපාසකයෙක් කිරීමටද හැකිය. මේ වගේ බලු වැඩ සිදු කිරීම වෙනුවෙන් මහා මොලකරු විසින් මොවුන්ට නොයෙක් සයිඩ් බිස්නස් කිරීමේ පර්මිට් ලබා දීම සිදු කරයි. තවද ගම්සබාවේ උත්සව විකාශය කිරීමේ පර්මිට්, ඒවාට සංගීතය දීමේ පර්මිට්, බාර් ලයිෂන්, ඇටබෝල තරඟ විකාශය කිරීමේ පර්මිට් වැනිදේ ලබා දේ. ඒවා නොකලොත් වෙන එකෙකුට කඩේ යන නිසා වැඩේ දිගටම සිදුවේ.
5. අන්තර් ජාතික විශ්ව විද්යාල ළමා සමිතිය
මොවුන් මහා මොලකරුවන්ගේ රැස්වීම් වලට සෙනග ගෙන ඒම, "කපා කපා මාලුකපා අපිට එපා" කියමින් කෑ කෝ ගැසීම, වැඩ නොකරන දිනය වෙනුවෙන් සංදර්ශන කිරීම වැනි දේ සිදුකරයි. මොවුන්ගේ අනිත් ප්රධාන කාර්යය වන්නේ හරක් පප්පන්ගේ ගහනය වැඩි කිරීමට දායක වීමය. ඒ සඳහා මොවුන් අධ්යාපනය ලබා දීමට විරුද්ධ වේ. අලුතෙන් ඉස්කෝල අරින්න හැදුවොත් අධ්යාපනය විකුණනවා යයි වලි දමයි. ඒ විතරක් නොවේ. ආචාර්ය පප්පන්ගේ කනට ගැසීම, ගෙවල් කුඩු කිරීම, උප කුලපති පප්පාට කුණුහරුප කියා බැනීම සිදුකරයි. වැඩියෙන්ම අධ්යාපනයට වල කපන සහෝදරයා සමිතියේ ලොක්කා කරයි. මිට පෙර ලොක්කා වුයේ වසන්ත මුදලාලි උපාසක මහතාය. ඊට පසු උප කුලපති පප්පාට කුණුහරුපයෙන් බැනපු උපාසක මහතෙක් ලොක්කා කර ගත්තේය. මෙම සමිතියට මහා මොලකරු විසින් නොමිලේ හැම මගුලම ලබා දී තව සල්ලිත් දෙයි. අවුරුදු දහයක් හිටියත් අස් නොකිරීම, පලිගැනීම්, මානසික රෝග සහ නොයෙක් ඇරියස් කවර් කර ගැනීම සඳහා නවක පප්පන්ට සහ විරුද්ධවාදීන්ට වධදීමේ පර්මිට් ලබා දීම, ඒවා ගැන අස් කන් වහගෙන සිටීම වැනි දේ සිදුකරයි. ඕවට අත දාන්න ආවොත් වෙන එකෙකුට කඩේ යැමට ඉඩ තිබෙන නිසා මුකුත් නොකරයි.
මේ ආකාරයට මහා මොලකරුවන්ට චන්දය දිනීමට නම් සමිතිවල කැම්පේන් අත්යාවශ්ය වේ. ඒ වගේම සමිතිවලටත් මහා මොලකරු අත්යාවශ්යය. ඒ නිසා මහා මොළකරුවන් හා සමිති අතර එකිනෙකාගෙන් යැපෙන coexistence එකක් ඇත. මෙම සහසම්බන්ධතාවය ඉතාම ශක්තිමත් සහ බිඳ දැමිය නොහැකි එකකි. එම නිසා රෙජීමය ඉතාම ශක්තිමත් වේ.
රෙජිමයට පිටින් කෙනක් පැමිණ චන්දයක් දිනා ගැනීම කිසිසේත්ම කළ නොහැක. ඔබ මාර්ක් දෙවියා පිළිගන්නේ නැත්තන් මුලින්ම අන්තර් ජාතික විශ්ව විද්යාල ළමා සමිතිය සහ වැඩ නොකරන සමිතිය අවි අමෝරාගෙන එයි. වැරදිලාවත් මාක් දෙවියන් පිළිගත්තත් ඔවුන්ට එකතු වෙන ලෙස තර්ජනය කරයි. එසේ නොකලොත් ලේබල් ගහයි. ඒක කොහොමහරි ඉවසගෙන හිටිය කියමු. ඒත් ඉතින් කහවනු නැතුව මුකුත් කරන්න බැනේ. හොඳයි අපි කහවනු තිබ්බ කියල හිතමු. එත් TV/කීබෝඩ් විරුවන් නැතුව මුකුත් කල නොහැක. ඔවුන් විසින් මඩ ගසා විනාස කරනු ලබයි. එහෙනං විරුවන් කහවනු දීල ගත්ත කියල හිතමු. ඒත් පාතාල සමිතියෙන් බේරීම අපහසුය. ඔවුන් ඔබව අපායට යැවීමට හෝ අවුරුදු 10ක් දඬු කදේ ගැසීමට පුළුවන්. හොඳයි අපි එයාලවත් කහවනු දීල ගත්ත කියල හිතමු. එහෙම කලද ගලවාගැනීමේ සමිතියෙන් බේරීමට ඉතා අපහසුය. කිවිසුමක් ගියත් ආගම, ජාතිය සහ කිරි ගවයන්ගේ සිත රිදුනා කියාගෙන රෙද්ද උස්සන් පන්නාගෙන එයි. අනේ ඉතින් මොනවා කරත් මොකක් හරි සමිතියක් බස්සවා ඔබව විනාස කරනු ලබයි. ඔවුන්ටම ගැලපෙන හරක් පප්පන් අම්බානකට ඉන්න නිසා පොඩ්ඩක් කැම්පේන් එක ඉස්සුවොත් ඉතිරි ටික ඔටෝ දුවයි.
හොඳයි අපි මෙහෙම හිතමු. කහවනුත් අම්බානකට තිබිල ඔය සමිති පහෙන්ම ලොකු කැලි පහක් කහවනු දීල අරගෙන කැම්පේන් එකක් කරලා ලොකු පප්පා උනා කියල. අනේ ඉතින් වැරදිලාවත් එහෙම උනත් ඊට පසු සමිති කියන විදියට වැඩ කල යුතුය. නැත්තන් ලොකු පප්පා කියා බලන්නේ නැතුව කෙලවෙන්නම ගහයි. ඒ නිසා ඔවුන් කියන විදියට වැඩ කිරීමට සිදුවේ. අනේ ඉතින් එතකොට ඔබෙත් මහා මොළකාර පප්පන්ගේත් වෙනස මොකද්ද?. ඔබත් රෙජිමයේම කෙනෙක් බවට ඉබේම පත්වී තවත් මහා මොළ කාරයෙක්ම පමණක් වේ. ඒ නිසා පප්ප ගමට සදාකාලිකවම කෙලවේ.
