පප්ප ගමේ ජනප්රියම ක්රීඩාව ඇට බෝල ගැසීමය. ඇටබෝල මැච් එක දවසට පප්පන් නොකා නොබී කිසිම වැඩක් නොකර උදේ ඉඳන් රෑ වෙනකන් ඒක බලයි. අනේ ඉතින් එහෙම උනාට පප්ප ගමේ ඇට බෝල ක්රීඩකයන් ඇට බෝල හැර අනිත් හැම දේම ගසයි. ඉතින් ඇටබෝල පුරුදු වෙන්නෙ නැති නිසා ගහන ගහන මැච් එක පරදී. හැබැයි ඉතින් ඉඳල හිටලා එක පප්පෙකුට ආච්චි වැහී ගහගෙන ගහගෙන යන වෙලාවට මැච් එක දිනයි. ඒක දකින පප්පන් පස්වනක් ප්රීතියට පත්වී කෑ කෝ ගසයි. ඔවුන් ලෝකෙන් උතුම්ම රට බවත්, ඔවුන් තරන් කාටවත් ඇට බෝල බැරි බවත්, ඕන එකෙකුට ගහන්න පුළුවන් බවත් කියයි. මෙලෝ දෙයක් හරියට කරන්නේ නැතුව පාර දිගේ බිබී ඇවිදින ඇටබෝල කාරයෙක් උනත් ඉඳල හිටල ගැහුවොත් මහා වීරයෙක් බවට පත්වේ. ඕවට විරුද්ධව මොනවත් කියන්න ගියොත් අම්බානකට නෙළයි.
අනේ ඉතින් මේ විදියට ඉඳල හිටලා ගැහුවට කන දවසට මදි නොකියන්න කයි. ඒත් පප්පන් ඒවායින් සැලෙන්නේ නැත. ඔවුන් මැච් එක ඇනලයිස් කර පරදින්න හේතු හොයාගනී. පැරදීමට ප්රධාන හේතු පහත දැක්වේ.
- මහා හොර පප්පා මැච් එක බැලීම
- මැච් එක අස්සෙ හොර පූට්ටුවේ ඇඩ් එකක් දැමීම
- අන්රයියා රෝමයට යාම
- හාමු රෝමයට යාම (ඇත්තටම දෙන්නම එකම කාලේ රෝමයට ගියේ මොකද දන්නේ නෑ)
- මැච් එක භාරතයට විකිණීම
- භාරතයෙන් ගත්ත ණයේ හිලව්වට
- මැච් එක IMF එකට විකිණීම
- මහා බංකුවේ මොකක් හරි එකක්
- මහා නිර්පාක්ෂික සාමකාමී වලිය
- ග්රහ අපලයක්
- කොඩිවිනයක් කරල
- බොන්න අගේන් කුමන්ත්රණයක්
- වංචාව සහ දුෂණය
- ඩිල් එකක්
- තරඟ පාවාදීම
ඉහත සඳහන් පරිදි මැච් එක පැරදීමට පොඩ්ඩක් වත් අදාළ නැති දේවල් හේතු වශයෙන් දැකීම පප්ප ගමේ පුරුද්දකි. ඉතින් එයාල ඇත්ත හේතු දන්නෙ නැති නිසා විසදුම් දන්නෙත් නැත. මීට පස්සෙ ගහන මැචුත් ඉඳල හිටල දිනුවට වැඩි හරියක් පරදී. ආපහු පැරදුනාම ආපහු මේ හේතු ටිකම කියා බැන බැන සිටී.
මේ ඇට බෝල තියරිය ආර්ථික අර්බුධය, දුප්පත් කම, විභාග ෆේල් වීම, ලිස්සා වැටීම, කලිසම ඉරීම වැනි වෙනත් ඔනෑම දෙයකට ඇප්ලයි කල හැක. ඒවාට හේතු වන්නේද ඉහත සඳහන් දේවල්මය.
