පහත සටහනෙහි දක්වා ඇතී පරිදි පප්ප ගමේ පාලනය ස්ථර 4කට විහිදී ඇත. 1 සහ 2 ස්ථර රෙජීමය ලෙස හඳුන්වයි. මෙම රෙජීමය විසින් 3වන ස්ථරය වන වහල් පප්පන් සහ දායක සභාව (බර උසුලන ශුරයා) පාලනය කරයි. මෙහිදී දායක සභාව යනු මහා මොලකරුවන්ට ඍජුවම සම්බන්ධ කොටසකි. ඔවුන් ප්රමාණය ඉතා කුඩාය. පෝස්ටර් ඇලවීම, ගවගාල් රැස්වීම් සංවිධානය සහ සහභාගිත්වය, කොමෙන්න්ට් කෙටිම වැනි දේ සිදුකරන්නේ මොවුන්ය. වහල් පප්පන් යනු 2වන ස්තරය වන සමිති 5ට (කැම්පේන් මැනේජර්) සම්බන්ධ කොටසකි. ඔවුන් වැඩ කරන්නේ පඩියටය. සමිතියෙන් කතා කලොත් ඕනැම ගව ගාලක සෙනග විදියට පෙනී සිටි. වැඩ නොකරන වලි, ගලවා ගැනීමේ වලි, අධ්යාපනය අනුභව කිරීමේ වලි වැනි නොයෙක් ආකාරයේ වලි වලට සම්බන්ධ වන්නේත් මොවුන්ය. 2වන ස්තරය වන කැම්පේන් මැනේජර්ගේ කැම්පේන් එක 3වන ස්තරය වන බර උසුලන ශුරයා විසින් උසුලාගෙන යාම මගින් රැලි ඇතිවේ. රැලි ඇති උනාම හරක් පප්පන් රැල්ලට ගසාගෙන ගොස් චන්දය දෙයි. එවිට අලුත් මහා මොලකරුවෙක් ලොකු පප්පා වෙයි. අද කතාව 2වන ස්ථරයේ සිටින ජඩ මාධ්ය සමිතිය ගැනය.
අනේ ඉතින් ජඩ මාධ්ය සමිතිය පහත දැක්වෙන පරිදි ප්රධාන වශයෙන් කොටස් 4කින් සමන්විත වේ.
1. රූප පෙට්ටි සමිතිය
2. කන්ටෙන්ට් සමිතිය
3. කී බෝඩ් විරු සමිතිය
4. ජනප්රිය සමිතිය
රුප පෙට්ටි සමිතිය යනු ඉතාමත්ම දක්ෂ කැම්පේන් මැනේජර්ලා සිටින සමිතියකි. මොවුන් කැම්පේන් එක පටන් ගන්නේ චන්දෙට අවුරුදු 4කට විතර පෙරය. මුලිම එක එක ටොපික් දමා හිට් වෙන ඒවා තෝරා ගනී. පොසිටිව් කැම්පේන්, නෙගටිව් කැම්පේන්, ගැප් කැම්පේන් (අනවශ්ය ලෙස උඩටම උස්සා පොලවේ ගැසීම) වැනි නොයෙක් කැම්පේන් සිදු කරයි. කැම්පේන් එක පීක් වෙන්නේ ජන්දයට දවසකට කලින්ය. අන්තිම දවසේ පෙන්නන එක ෆිල්ම් එකකින් ප්රථිපලය කණපිට ගැසිය හැක.
කන්ටෙන්ට් සමිතිය යනු යූබට, ටික්ටික්, වට්අප් වැනි හොග් ගාල යන ඒවා භාවිතා කර කන්ටෙන්ට් හදන සමිතියකි. මෙයාල බුද්ධිමට්ටමෙන් ඉහලය. මොවුන්ගේ අරමුණ රැල්ලට ගසාගෙන යන හරක් පප්පන් චූන් කර කීයක් හෝ හොයා ගැනීමය. එකෙ ඉතින් වැරැද්දකුත් නැනේ, විකිනෙන දේවල් තමයි විකුනන්න ඕන. අනේ ඉතින් මේකින් ඇතිවන චේන් රිඇක්ෂන් එකිනුත් රැල්ලට තල්ලුවක් ලැබේ.
කී බෝඩ් විරුවන් යනු කන්ටෙන්ට් වලට කොමෙන්ට් කොටාගෙන රිඇක්ෂන් දාන සත්ව විශේෂයකි. මොවුන් බොහෝවිට කුලියට ගැනීම සිදුකරත්, කොමෙන්ට් ෆාම් අවුට්සෝස් කිරිම වඩාත් ලාභදායකය. මොවුන් ටාගට් කරන්නේ අමුම අමු හරක් පප්පන්ය. බොහෝවිට අලුතෙන්ම චන්ද දෙන IQ හොඳටම අඩු පප්පන් ටාගට් එක වේ.
ජනප්රිය සමිතිය යනු කලාබර පප්පන්, ක්රීඩා පප්පන්, ටියුෂන් පප්පන්, දේශණා පප්පන්, දොස්තර පප්පන්, නීති පප්පන් වැනි ජනප්රිය පප්පන් ගෙන් සැදුම්ලත් සමිතියකි. මොවුන් පිටකොන්දක් නොමැති (invertebrates) පරපෝෂිත (predator) සත්ව විශේෂයකි. තනිවම කෙලින් සිටගෙන ජිවත් විය නොහැකි නිසා මොකක හරි එල්ලීම මොවුන්ගේ ස්වභාවයයි. ජනප්රිය නිසා ස්ටේජ් එකේ මොවුන්ව නග්ගවා ආතල් දෙයි. මොවුන් IQ අගය ඉතාම අඩු තමන්ගේ ක්ෂේත්රයෙන් එපිට මෙලෝ අල බෝලයක් නොදන්නා අමුම අමු ගොන් හරක් විශේෂයකි. එහෙම උනත් හැම දේම දන්නවා වගේ ණය ප්රතිව්යුහගතකරණය, ආර්ථිකය, සංස්කෘතිය, සාපේක්ෂතාවාදය, පරිනාමවාදය, නැනෝ තාක්ෂනය, කෘතීම බුද්ධිය, කාබනික වගාව වැනි ඕනෑම මගුලක් ගැන කැත නැතුව පොර ටෝක් දීම සිදු කරයි. එතකොට එයාලගේ ෆොලෝවර්සලා හෝල් සේල් එකේ රැල්ලට ගසා ගෙන යයි.
චන්දය යනු පප්පන්ගේ තේරීමක් නොව කැම්පේන් මැනේජර් අවරුදු 4කට කලින් සකස් කල කැම්පේන් එකේ ප්රතිඵලයකි. මේ වගේ සිරාම කැම්පේන් එකක් කිරීමට සැහෙන කහවනු අවශ්යය. ඒවා ගෙවන්නෙත් ටැක්ස් වලින් සහ ටැක්ස් නොගෙවන හොර පප්පන්ගේ කහවනු වලින්ය. අනේ ඉතින් පප්පන් රැලි වලට අහුවී ගසා ගෙන යනතාක් කැම්පේන් කිරීම සහ කෙලවිම නැවැත්විය නොහැක.
No comments:
Post a Comment