මේ දිනවල පප්ප ගමේ "ගම ගලවා ගැනීම Part 2" ෆිල්ම් එක සාර්ථකව තිරගත වේ. 2019 දී බොක්ස් ඔෆිස් වාර්තා බිඳ දමමින් ලක්ෂ 69ක අදායමක් වාර්තා කල "ගම ගලවා ගැනීම" ෆිල්ම් එකේ දෙවන කොටසය. අධක්ෂණය මහා හොර පප්පාය. නිෂ්පාදනය හාමුය. කතාවේ ආරම්භය මෙසේය.
කොල්ලගේ පවුල පොහොසත්ය. කෙල්ලගේ පවුල දුප්පත්ය. කොල්ලා දිවැසින් බණ කියයි. කොල්ලා බණ කියන ගමන් කෙල්ලගේ පවුලේ අය ලයිට් එකක් හොය හොය ගිය කතාවක් කිවේය. අනේ ඉතින් එයාල දුප්පත් නිසා ලයිට් නෑනේ. ලයිට් තියෙන්නෙ අපේ වලව්වේ විතරනෙ, ඉතින් එයාල හෙවුවෙ අපේ වලව්වෙ ලයිට් එක තමයි කියා කින්ඩියක් දැම්මේය. එකට කෙල්ලගේ නෑයන්ට මල පැන්නේය. අපි හොයපු ලයිට් මගුලක් නෑ. මෙයාට පිස්සු කියා වොයිස් කට් දීගෙන දීගෙන ගියේය. ඒ අතර තායිලන්තයෙන් නෑදෑයන් කට්ටියක් ආවේය. ඒකට මළ පැන්න මහා පිස්සන්කොටුවේ ඉන්න "සෙල්ලන් රජා" කියන මැන්ටල් පප්පා, එහෙම එක එකාට මේ වැයික්කියට එන්න බෑ කියා වලියක් දැම්මේය. ඊටත් වඩා මල පැනපු වොයිස් කට් සෙට් එකක් ඇනකොටා ගැනීමට ආවේය. අනේ ඉතින් කොහොම හරි ගේමක් දීල වැඩේ ශේප් කර ගත්තේය. අනේ ඉතින් මේ අලකලංචි මැද්දේ පප්ප ගම බංකොලොත් වෙලා අවුරුද්දක් ගිය එකේ සතුටට ගමේ හැම තැනම උත්සව පැවැත්වුනා. කනත්තේ උත්සවය වෙලාවට ඒක මැදට පැන්න ඩෑම්ෆූල් ප්රියසාදු මොකද්දෝ මගුලක් කියාගෙන ගිහින් ගුටි නොකා බෙරුනේ අනුනමයයි දශම නමයෙනි.
ෆිල්ම් එක පටන් ගත්ත ගමන්ම ඇඟ කිලිපොලා යන සටන්ය. තව ටික කලක් යනකොට සටන් උත්සන්නවී, ඇන කොටා ගැනීම්, කඩු ෆයිට්, පුපුරවා ගැනීම් ඇතිවී, ඊට පසු නයි, පොලොන් දියබරි ඇතුළු එක එක සතුන් ගංගා දෙබෑ කරමින් මතුවේ. ඊට පසු ඔලු හතක් ඇති මකරුන්, වැඩිකරන විරුවන්, කයියනායක දෙවියන්, දියබරි කුමාරයන් වැනි සුපර් හීරෝස්ලා පඳුරකට පයින් ගැහුවත් මතුවේ. වැඩේ ක්ලයිමැක්ස් එකට ගියාම කෙල්ල සීන් එකට ඇවිත් මයිල් කෙලින් වන ප්රේම ජවනිකා පටන් ගනී. එතකොටම පප්ප ගමේ චන්දයක් ඇවිත් ෆිල්ම් එක ඉවර වේ.
No comments:
Post a Comment