අනේ ඉතින් ඉඳල ඉඳල පප්ප ගමටත් චන්දයක් එනව වගේය. ලොකු පප්පා තෝරන චන්දය හෝ මහා පිස්සන් කොටුවේ චන්දය යන දෙකින් එකක් එයි. එනව කිව්වට මොන චන්දයක් එනවද කියල මෙලෝ යකෙක් දන්නේ නැත. අනේ ඉතින් ඒ උනාට පප්පල නං චන්දය දෙන එක්කෙනා දැනටමත් තෝරාගෙන රෙදි නැතිව කඩෙත් ගිහිනුත් ඉවරය. චන්දය මොකද්ද කියලවත් දන්නෙ නැතුව කාට චන්දෙ දෙනවද කියල තීරණය කිරීම දිව්ය ඥාණය තිබෙන පප්පන්ට සුළු දෙයකි. පප්පන් මීට කලිනුත් දිව්ය ඥාණය භාවිතා කර චන්දය දී කෙලවාගත් නිසා දැන් එයාලට පුරුදුය.
පප්පන්ගේ වැඩ උදාහරණයකින් පැහැදිලි කළොත්, විභාගේ කවදද දන්නෙත් නැතුව, මොනවද එන විෂය කියල දන්නෙත් නැතිව, ප්රශ්න දන්නෙත් නැතුව උත්තරයක් ගහන්න සෙට් වෙනවා වගේය. ඉතින් ප්රශ්න දන්නෙ නැතුව, විභාගේ දන්නෙත් නැතුව උත්තර ලියන්න ගියාම කෙලවීම ස්වාභාවිකය. ඒත් ඉතින් මේ පාර කෙලවුනත් තව අවුරුදු 5කින් ගම බේරාගැනීමේ අන්තිම අවස්තාව එන නිසා අවුලක් නැත.
රෝමන් කාරයන් චන්දෙ දෙනහැටි පප්පන්ට වඩා වෙනස්ය. රෝමන් කාරයන්ට පක්ෂයක් නැත. ඒ නිසා කඩේ යන්න ඕන නැත. චන්දය දෙන්න ඕන කෙනා ගැන හිතන්නෙ චන්දය ප්රකාශ කර චන්දෙට එන අය ගැන දැනගත්තාට පසුවය. හැබැයි ඉතින් රෝමන් කාරයන් චන්දයක් තිබුනත් නැතත් රෝමයේ ප්රශ්න ගැන ඇලර්ට් එකින් සිටී. ඒ නිසා උත්තර ගැනද යම් කිසි අවබෝධයක් ඇත. චන්දය ඉල්ලන අය කියන උත්තර හොඳට හොයල බලල වඩාත්ම ගැලපෙන උත්තරය කියපු කෙනාට චන්දය දෙයි. රැලි වලටවත්, බයිල වලට වත්, සින්දු වලට වත්, විහිලු කතා වලටවත්, රවුලටවත්, සරමටවත්, හිනාවටවත් චන්දය දෙන්නේ නැත. කෙලින්ම කිවුවොත් කඩේ යන්නේද නැත. හරක් රැලක් වගේ පෝලිමට ගොස් පුන්නක්කු බී ජයවේවා කියා තප්පුලන්නේද නැත.
රෝමන් කාරයන් චන්දය දුන් පසු ආපහු ඒ ගැන කතා කරන්නේ නැත. ඉස්සර වගේ තමන්ගෙ වැඩ ටික කරගෙන සිටියි. චන්දය ඉවර උණු පසු විහිලු හෝ අපහාස කරන්නේද නැත. ඇත්තටම කිව්වොත් රෝමන් කාරයන් කඩේ යන්නේ නැති නිසා, මොන රෝමන් කාරය මොකාට චන්දය දුන්නද කියල කවුරුවත් දන්නේද නැත.
No comments:
Post a Comment